Languages: English ‏سۆرانی‎

Encamnameya Civîna Konseya Rêvebir ya KNKê

Konseya Rêvebir ya KNKê roja 28.05.2022 an li navenda KNKê, bi beşdarîya piranîya endaman civîna xwe ya asyaî pêkanî. Girîngîya civînê jiber rûdanên li cîhanê, li herêma rojhilatanaverast û li Kurdistanê taybetmendîyek xwe hebû û pirsên weke şerê Ukrayna-Rusya, endametîya dû welatên Skandînavyan û helwesta Turkîye, êrîşen dagerkirîyê ya dewleta Tirk li ser başûrê Kurdistanê û gefên hewlên dagerkerîyêke nû li ser rojavayê Kurdistanê rawestîya.

Civînê bi berfirehî li ser rewşa siyasî analiz, nirxandin û minaqeşe kirin. Bi tayebetî bandora şerê Ukrayna û Rusya ku em vî şerî weke şerê cihanî sêyem yê berfirehbûyî bi nav dikin, li ser rewşa siyasî, aborî û ewlekarîya cîhan kirîye rawestîya. Bê şik û gûman bandora şer metirsîdarî li ser herêma Rojhilatanaverast û bi taybetî li Kurdistanê jî kirîye. Di vê çarcevê de dewleta Tirk bi aweyekî bê perwa û bê exlakî dixwaze sûde jê wergire. Li hêlekê dixwaze kû pirsa serlêdana Swêd û Finlandîya bo endamatîya Nato yê bike mijara bazarê li ser pirsa kurd û li gor xwe encamekê bidestxe. Di heman demêde dixwaze li gel Emerîkayê jî bike mijara bazerê, da kû Kurdan bê dost û heval bihêle. Li gel vêyekê jî êrîşen xwe li ser başûrê Kurdistanê, Şengal û wargeha Maxmûre berfireh kirîye û her cûreyên çekan, kû di navde çekên kîmyawî jî bikar tîne. Gef û tehdîdên xwe li ser rojavayê Kurdistanê zêde kirine û amadekerîyên dagerkirîyeke nû dike. Deweleta Tirk dixwaze di bin sîya vê rewşa aloz ya cîhanê sûd wergire û bi her şêwazî êrîşî destkeftîyên Kurd dike, ku bi tundî ji holê rake.

Civîna konseyê bal kişand ser bê istikrarya siyasî ya li tevaya Êraqê, alozyên li basurê Kurdistanê û tehdîtên li ser Şengalê. Peymana 9 cotmeha 2020 ku ji terefê desthilatdarîya PDKê, hukutmeta Mustafa Kezimî û bi tevlêbûna dewleta Tirk, ku gihîştîye astek gelekî metirsîdar ku dixwazin gelê me yê Êzîdî li Şengalê bê statu bihêle, hate rawestîn û da dîyarkirin, ku em bi tê şêwazî çareserîyek bêyî îrade û tevlêbûna gelê me yê Êzîdî qabûl nakin.

Konseya KNKê balkişand ser rewşa Turkiye, bakûrê Kurdistanê û rojhilatê Kurdistanê. Bi taybetî li Turkîye û bakurê Kurdistanê bi ti rengî nirxên demokrasîyê nehiştîye, rejîma diktatör ya AKP-MHP bi aweyekî sistematîk li hemberî gelê Kurd, ziman û çanda wî qedexe dike û hebûna Kurd red û înkar dike. Li rojhilatê Kurdistanê jî bi heman şêwazî zordarîyek tund li hemberî gelê me yê Rojhilat pêk tîne û rewşa rojhilatê Kurdistanê jî gelek aloze. Konsey dixwaze bo raya giştî ya her çar beşên Kurdistanê bide xuyakirin ku em di qonaxek gelekî metirsîdar û hesas de derbas dibin, gef û tehdîdên gelek cidî li hember destkeftîyên me hene û bi pêwîst dizana ku herkes di vê qonaxê de bi mesûlîyetke cidî li erkên xwe xwedî derkeve û bi mesûlîyetî tevbigere.

Weke kû Konseyê berîya nûha jî dabû dîyarkirin ku KNK di pêvajoyeke xwe nûh kirinê de ya û amadekarîyên xwe di her warî de dike. Çi di warê Peyman û Peyrevê de, çi di warê strukturê de be û çi di warê amadekirîyên bo Belgeya Stratêjîk ya KNKê de, hazirîyên xwe careke din di ber çavan re derbas kir. Armancên Konseyê ewe ku Kongreya Netweyî, hîn bi hêztir û temsîlîyeteke hîn berfirehtir da kû hemû katagorîyên civaka Kurdistanî bi her pêkhatîyên xwe pêk bê. Bawerîya Konseyê ewe kû hemû derfet û îmkanên me hene ku vê ya pêk bîne.

Konseyê da xûyakirin kû dê di mehên pêşîya me de, dê cıvata giştî (Kongre) pêk were. Bo vê jî dê endam û organên xwe nûh bike û hemû amadekarîyên xwe dike. Di heman demê de plansazîya kar û xebatê bo dema pêş jî amade kir. Di nava vê plansazîyê de amadekirina çalakîyên jibo 100 salîya peymana Lozan ê jî hate kirin.

Konseyê di dawîya civîna xwe de bi pêwîstî dît û dizane jibo ku em di kar û xebata xwe de bi serkevin, em bi israrin û xwedî îrade ne û ev îrade ligel me heye. Jibo serkeftinê jî gerek herkes bi şêwazekî seferberîyê kar û xebatê bike.

Konseya Rêvebir ya KNK
02.06.2022