Sibe cejne, cejna Qurbanê ye. Mixabin em dîsa cejnekê, di rewşeke alozde pîroz dikin. Li tevayî Kurdistanê êrîşên qirkirinê li ser gelê me didomin. Mirovên me têne qetilkirin û xwezaya welatê me tê wêrankirin. Dagîrkerî, gef û tehdîtên dijminan li ser Başûr û Rojavayê Kurdistanê hingî diçe zêdetir dibin. Ji nîvê meha nîsanê vîr ve li deverên Zap, Metîna û Avaşîn, şereke dijwar rû dide. Niha jî dewleta Tirk hewl dide di vê cejnê de êrîşek din ya dagirîyê bibe ser Rojava. Rojhilat, zextên dewletê yên li ser gel berdewamin û pirsgirêkên civakî roj bi roj kûrtir dibin. Li Başûr jî pirsgirêkên aborî û civakî berdewam dikin, problemên herêmên dabirayî heta niha nehatine çareserkirin. Li Bakur şerê man û nemanê heye.
Bêgûman li her çar perçeyan û her derê gelê me û hêzên azadîyê di nava tekoşineke netewayi ya demokratika hemdemî de ne. Êdî gelê me zilm û bindestîyê qebûl nake. Êdî bi tenê hêviya xwe bi xwe û rêber û têkoşerên xwe dike.
Em bi hêvî û bi baweriya ku gelê me, dê di demeke nêz de bi aramî, aştî û azad, cejnên xwe û şahiyên xwe li ser axa xwe ya azad pîroz bike. Bi vê munasebetê em cejna Qurbanê, sêrîde li girtî û şervanên azadîyê, li gelê Kurdistanê û li hemî alema Islamê pîroz dikin.
Konseya Rêvebir ya KNK