Em weke Komisyona Jinan ya KNKê, di 1. salvegera komkujiya Şingalê de, pêkhatina 1. Kongreya Jinên Êzîdî yên Şingalê, ku bi slogana “Rêxistiniya Jina Êzîdî, wê bibe bersiva tevahiya fermanan” û avakirina Meclîsa Jinan silav dikin.
Avakirina Meclîsa Jinên Êzîdî yên Şingalê, di serî de ji bo Kurdistanê û tevahiya jinên Rojhilata Navîn, bû moral û hêzeke mezin. Jinên Êzîdî yên Şingalê, qedera xwe kirin destên xwe. Ev jî, wek berdewamiya kevneşopiya Tevegra Azadiya Jinên Kurd, bû qonaxek nû û serketî.
Bi avakirina Meclisa Jinên Êzîdî yên Şingalê, ala têkoşîn û serihildana li dijî çeteyên DAIŞê û hêzên ku destekê didine wan teva hildan hewayê. Vê jî, têkoşîn û berxwedana li Kurdistanê bi hêz kiriye.
Çeka herî dijwar û bi wate, ya parastina hebûn û azadiyê, rêxistinîkirina civakî ye. Li vê cografya ku bi awayekî sîstematîk siyaseta qirkirine diji jinan pek te, herî zêde jina Êzîdî dibin zext û zorê de ye. Herî zêde jinên Êzîdî maxdur û neçar hatine hiştin. Lê avakirina Meclîsa Jinên Êzîdî yên Şingalê, bersiva herî baş ya hêzên ku jina Êzîdî neçar û bêzar dibînê û dihêlê ye.
Jinên Êzîdî yên Şingalê jî, bi ruhê cengawerên jinên şehîd wek şehid Berivan, Binevş û Xanê haraket kirin, êdî kes nema dikare hêza jina Êzîdiyên Kurd bişikîne.
Rêxistinîkirina jinên Êzîdî yên Şingalê û biryardariya wan ya têkoşînê, ewê di berxwedana Şingalê de jî bibe bersiva şehîdên di vê berxwedana dîrokî de canê xwe feda kirine.
Careke din, em vê pengava dîrokî silav dikin û ji bo tevahiya Jinên Kurd û Rojhilata Navîn pîroz dikin.
Komisyona Jinan ya KNKê